السلام عليكم
مساكم طيب
جبتلكو مواقف صارت معي بابوضبي
طبعا انا مش ساكنة بابوضبي انا بالرويس و هي بعد ساعتين و نص بالسيارة عن ابوضبي
موقف 1
كان يومها رمضان و رايحين نشتري ملابس عيد الفطر السعيد و احنا دايما بنشتري تيابنا من ابوضبي طبعا لانو بضاعة رويس زبالة الله يعزكو..
المهم
يومها كنا رايحين بالباص لانو السيارة خربانة و بمصفح
رحنا ابو الوليد(محل ملابس)) و يدوب خلصنا شراء ملابس صارت الساعة 2 الضهر((موعد الباص))
و احنا مفكرين الباص بروح الرويس عال2 و نص
و قاعدين بنمط بالوقت ..
كان اجتماع الباص عند مركز اسمو سينما الماريا
و بابا خربط و خلى التكسي يروح على سينما الماسة
بنص الطريق
بابا لصاحب التكسي : اخ صحيح لا لا ودينا سينما المارية
السواق: انت في قول سينما الماسة سينما المارية ورا
بابا : خلاص وقف هان
نزلنا و من بعيد شفنا باصات بباركنج قريب من سينما المارية
انا كنت صغيرة بصف رابع مع هيك كنت صايمة((ماحلاني))
كان في شارعين بيننا و بين الباصات
و كل شارع ازحم من التاني و اربع مسارب
بابا : يبابا اركضي وقفي الباص قبل لا يروح علينا
انا رحت و قطعت الشارع الاول بامان و لما وصلت الجزيرة بين الشارعين اجيت اقطع الشارع
و للا اجت سيارة سودة مسررررعة صوتها خزق راسي حفتني حف
اجري بطلو يعرفو يشيلوني و الباصات حتروح
بابا لحقني: وقفي عندك بس استني تصير الاشارة حمرا
بعدين قطعنا الشارع التاني .. قربنا من الباصات وللا هي مش باصات الرويس
بعدين اتصل بابا بسواق باص الرويس و للا بقوللو انا صرت بمصفح ((بعيدة نص ساعة عن ابوضبي))
كلنا انصدمنا و معرفناش كيف نروح
رحنا على ستيشن السيارات
صلينا
سألنا قالولنا فش باصات استنو للساعة اربعة
و قعدنا و الجوع بمزع احشائنا من الصيام
و علب الشبس معروضة قدامنا
اخخ
استنينا لما صارت الساعة اربعة
و روحنا
وصلنا عالمغرب
بكمل بعدين بس اشوف ردود حلوة زيكم
سي يو
_______________________________
صمتي لا يدل على جهلي بما يدور حوليلكن ما يدور حولي لا يستحق الكلام